| མཉེན་ཆས་ཀུན་སྣང་ཁྱབ་པ་དང་ཁྱུང་པོའི་ཁྲ་བྲིས་རིན་མེད་འགྲེམ་སྤེལ་གྱི་མཛད་ཆེན་སྤེལ་བ། |
| [རྩོམ་ཁུངས།：ཁྱུང་པོའི་དྲ་བ།] [ཟླ་ཚེས།：2016-08-27] [རྩོམ་པ་པོ།：དྲེ་བོ་དགེ་བཤེས་སྦྱིན་པ་གཙུག་ཕུད།] [ཀློག་གྲངས།：] |
|
ཁྱུང་པོ་སྟེང་ཆེན་དགོན་དུ་མཉེན་ཆས་ཀུན་སྣང་ཁྱབ་པ་དང་ཁྱུང་པོའི་ཁྲ་བྲིས་རིན་མེད་འགྲེམ་སྤེལ་གྱི་མཛད་ཆེན་སྤེལ་བ།
༡ ཐོག་མར་མདོ་འཛིན་པ་་དགེ་བཤེས་སྦྱིན་པ་གཙུག་ཕུད་མཆོག་ནས་ཚོགས་བཞུགས་རྣམ་པར་འཚམས་འདྲིའི་བདེ་ལེགས་དང་མཛད་སྒོའི་གོ་རིམ་ངོ་སྤྲོད་གནང་།
༢ གཡུང་དྲུང་བོན་གྱི་བསྟན་པའི་མངའ་བདག་སྐྱབས་རྗེ་བླ་མ་ཚོགས་གཉིས་རྒྱ་མཚོ་ནོར་བུ་རིན་པོ་ཆེས་མཛད་སྒོ་ཆེན་མོར་ཤིས་ཚིག་སྒྲོན་གནང་མཛད།
ཁྱུང་པོ་སྟེང་ཆེན་དགོན་གྱི་དཔོན་སློབ་རྒྱལ་བ་བསྟན་འཛིན་རྒྱལ་མཚན་རིན་པོ་ཆེས་ཤིས་ཚིག་སྒྲོན་གནང་མཛད།
ཁྱུང་པོ་སྟེང་ཆེན་དགོན་གྱི་བཤད་སྒྲུབ་མཁན་པོ་འཕགས་མཆོག་སེམས་དཔའ་རིན་པོ་ཆེས་ཤིས་ཚིག་སྒྲོན་གནང་མཛད།
མཁན་བསོད་བཀྲ་རིན་པོ་ཆེ་དང་། སྤྲུལ་སྐུ་བསྟན་འཛིན་བཟོད་པ་རིན་པོ་ཆེས་ཤིས་ཚིག་སྒྲོན་གནང་མཛད།
༣ སྣང་ཞིག་སྐྱབས་མགོན་རིན་པོ་ཆེ་སྐལ་བཟང་བློ་གྲོས་རྒྱ་མཚོ་དང་། སྨན་རིའི་བཤད་སྒྲུབ་མཁན་རིན་པོ་ཆེ་ཉི་མ་དོན་གྲུབ། ཡོངས་ཀྱི་དགེ་བའི་བཤེས་གཉེན་ཆེན་མོ་སློབ་ཟུར་ནམ་མཁའ་ཚུལ་ཁྲིམས་དབུས་པའི་ཕྱོགས་ཀྱི་བླ་མ་དང་དགེ་བཤེས་རྣམ་པས་གནང་བའི་ཤིས་ཚིག་བདེན་སྨོན་ཁ་གཅིག་བཀའ་རམས་པ་དྲང་སྲོང་རྒྱལ་མཚན་དང་
བོན་གཤེན་བསྭོ་སྒྲའི་རྩོམ་སྒྲིག་པ་དགེ་ལེགས་དཔལ་ལྡན་གཉིས་ནས་རྟེན་འབྲེལ་དུ་གྱེར་འདོན་བྱས།
༤ དགེ་བཤེས་གཡུང་དྲུང་སེམས་དཔའ་ནས་མཉེན་ཆས་ཀུན་སྣང་ཁྱབ་པའི་འགྲེམ་སྤེལ་སྔོན་གླེང་སྒྲོག་སྦྱོང་གནང་།
༥ གཡུང་དྲུང་བོན་གྱི་བཀའ་བརྟེན་དཔེ་རྙིང་ཕྱོགས་བསྒྲིགས་ཁང་གི་སྤྱི་ཁྱབ་འགན་འཛིན་པ། སྐྱབས་རྗེ་བླ་མ་རིན་པོ་འོད་ཟེར་སྦྱིན་པ་མཆོག་ནས་གཡུང་དྲུང་བོན་གྱི་གསུང་རབ་གཏེར་མཛོད་ཆེན་མོ་མཉེན་ཆས་ཀུན་སྣང་ཁྱབ་པ་རིན་མེད་དུ་བསྩལ་བའི་དམིགས་ཡུལ་དང་ལམ་ སྟོན་གསུངས།
༦ གཡུང་དྲུང་བོན་གྱི་བཀའ་བརྟེན་དཔེ་རྙིང་ཕྱོགས་སྒྲིག་ཁང་གི་གཙོ་སྒྲིག་པ་ར་མ་དགེ་བཤེས་མཁས་དབང་ཀུན་རྒྱན་མཆོག་༼ ཁོང་ཉིད་མཛད་བྲེལ་གྱིས་ལྷ་སར་བཞུགས་རྐྱེན་ཐེངས་འདིའི་མཛད་སྒོར་བཞུགས་མ་ཐུབ། ༽ནས་བསྐུར་བའི་སྒོ་མཛོད་དཔེ་ཞུས་སྐབས་ཀྱི་མཐོང་ཐོས་མྱོང་བ་སྙན་སྦུག་གསོང་འདྲེན་ཞེས་པ་དགེ་བཤེས་ཚུལ་ཁྲིམས་མཆོག་ནས་སྒྲོག་སྦྱོང་བྱས།
༧ དགེ་བཤེས་སོ་ཐར་བསྟན་འཛིན་ནས་མཉེན་ཆས་ཀུན་སྣང་ཁྱབ་པའི་ངོ་བོ་དང་ཆེད་ནུས་བཅས་ངོ་སྤྲོད་གནང་།
༨ དགེ་བཤེས་སྦྱིན་པ་གཙུག་ཕུད་མཆོག་ནས་ཁྱུང་པོའི་ཁྲ་བྲིས་རིན་མེད་ཐོག་འགྲེམ་སྤེལ་གནང་བའི་གླེང་བརྗོད་གསུངས།
༩ གཡུང་དྲུང་བོན་གྱི་བཀའ་བརྟེན་དཔེ་རྙིང་ཕྱོགས་བསྒྲིགས་ཁང་གི་ཚོགས་གཙོ་མཁན་ཡེ་ཤེས་ཚེ་རིང་དང་། མཉེན་ཆས་ཀུན་སྣང་ཁྱབ་པའི་སྒྲིག་འགོད་པ་དགེ་བཤེས་སོ་ཐར་བསྟན་འཛིན་དང་། ཚ་རོང་ཤེར་འོད་རྣམ་གཉིས་་ལ་ཐུགས་རྗེ་ལེགས་གསོལ་ཕུལ།
༡༠ དེ་ནས་ཚོགས་བཞུགས་ཚང་མས། མདོ་གཡུང་དྲུང་ཀློང་རྒྱས་ལས་བྱོན་པའི་གཞི་བརྟན་བཀྲ་ཤིས་སྨོན་ཚིག སྒོ་བཞི་མཛོད་དང་ལྔ་ཡི་བོན།།ས་ཡི་རྡུལ་བཞིན་གྲངས་འཕེལ་ནས།། རིན་ཆེན་སྣ་ལྔའི་གཏེར་བཞིན་དུ།། སེམས་ཅན་དོན་དུ་རྒྱས་པར་ཤོག། ཅེས་པ་དང་། བསྟན་འབར་སྨོན་ལམ་གསུངས་ནས་མཛད་སྒོའི་འཇུག་བསྡུའི་སྟ་གོན་བྱས། ༡༡ དེ་ནས་ཚོགས་བཞུགས་རྣམ་པ་ཚང་མས་མཛད་སྒོ་ཆེན་མོ་ལེགས་གྲུབ་ཀྱི་གཏང་རག་ཏུ། གྲགས་ཅན་གྱི་གཞས་མ་ཚེ་དབང་ལྷ་མོས་བཏང་པའི་ ཨེ་མ་སྒོ་བཞི་མཛོད་ལྔ་ ཞེས་པ་དང་། གྲགས་ཅན་གྱི་གཞས་མ་རྣམ་རྒྱལ་ཆོས་འཚོས་བཏང་བའི་ བཀའ་བརྟེན་དཔེ་རྙིང་ཕྱོགས་བསྒྲིགས་ ཞེས་པའི་གླུ་གཞས་གཉིས་གསན་རོལ་བྱས་ཏེ་མཛད་སྒོ་ཆེན་མོ་ཡོངས་སུ་འཇུག་བསྡུས་མཛད། ཐ་ཚན་མུ་ཙུག་སྨར་རོ།། ཀུ་ཤུ་ཁ་པར་དང་ངོས་སྙོམ་གློག་ཀླད་ནང་ཕབ་ལེན་དྲྭ་གནས། GunLangQiaBa |
