སྟེང་དགོན་བཤད་སྒྲུབ་འདུས་སྡེ་ནས་འདི་ལོའི་གཞུང་ལུཊ་ཡིག་རྒྱུཊ་ཆེན་མོ་བཏང་བ། |
[རྩོམ་ཁུངས།:ཁྱུང་པོའི་དྲ་བ།] [ཟླ་ཚེས།:2015-10-11] [རྩོམ་པ་པོ།:དྲ་བ་རྩོམ་སྒྲིག་ཁང་ནས།] [ཀློག་གྲངས།:] |
དི་རིང་སྟེ་འབྱུང་ལྡན་སུམ་བརྒྱ་གཅིག་གི་ཤིང་མོ་ལུག་ལོ་སྤྱི་ལོ་༢༠༡༥ ལོའི་ཟླ་༡༠ པའི་ཚེས་༡༠ ཉིན། ༧ ཁྱུང་པོ་སྟེང་ཆེན་དགོན་ནམ་དཔལ་གཤེན་བསྟན་ཁྱུང་དཀར་གཡུང་དྲུང་བསྟན་རྒྱས་གླིང་གི་བཤད་སྒྲུབ་འདུས་སྡེ་ནས་འདི་ལོའི་གཞུང་ལུགས་ཡིག་རྒྱུགས་ཆེན་མོ་བཏང་། དེ་ཡང་སྒྲུབ་སྡེ་ལ་འཛིན་གྲྭ་གསུམ་ཡོད་ཅིང་། གཞུང་རྒྱུགས་འདྲི་གཞི་ནི་བཀའ་ལུང་རྒྱ་མཚོ། ལམ་རིམ་སུམ་བརྒྱ་པ་དང་། སྡེ་སྣོད་མཛོད། མ་རྒྱུད་སངས་རྒྱས་རྒྱུད་གསུམ་བཅས་ནས་ཡིན། བཤད་གྲྭ་ལ་འཛིན་རིམ་བཅུ་གསུམ་ཡོད་པའི། རྫོགས་ཆེན་འཛིན་གྲྭར་འདྲི་གཞི་རྫོགས་ཆེན་གཞུང་དང་། གསང་སྔགས་འཛིན་གྲྭར་མ་རྒྱུད་སངས་རྒྱས་རྒྱུད་གསུམ། མཛོད་འཛིན་གྲྭར་མཛོད་འགྲེལ་འཕྲུལ་སྒྲོན། ཕར་ཕྱིན་འཛིན་གྲྭར་ཕར་ཕྱིན་གཞུང་དང་། ས་ལམ་འཛིན་གྲྭར་ས་ལམ་འཕྲུལ་སྒྲོན་རང་འགྲེལ་དང་འགྲོ་མགོན་ས་ལམ། ཐེག་རིམ་གོང་མར་ཐེག་རིམ་དང་མཚོན་བྱེད་ཞེ་ལྔ་། ཐེག་རིམ་འོག་མར་ཐེག་རིམ་རྒྱུ་ཐེག་སྐོར། ཚད་མ་གོང་མ་ལ་ཚད་མ་རྣམ་འབྱེད་རྩ་འགྲེལ། ཚད་མ་འོག་མར་བཟང་རྒྱལ་རྟགས་རིག །བསྡུས་གྲྭ་གོང་འོག་བར་གསུམ་ལ་འདྲི་གཞི་མཁན་ཆེན་བསྡུས་གཞུང་ནས་ཡིན་འདུག །འདི་གའི་སློབ་དཔོན་རྣམ་པའི་རེ་བ་ནི། དི་རིང་གི་རྒྱུགས་ནི་ཁ་རྩང་གི་སློབ་མའི་སློབ་སྦྱོང་འབད་བརྩོན་གྱི་ཉིང་འབྲས་དང་སང་ཉིན་གྱི་སློབ་མའི་སློབ་གཉེར་གྱི་སྐུལ་ལྕག་ཡིན་ཞེས་གསུངས་གནང་འདུག ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་འགའ་ཞིག་གཤམ་ནས་ཕུལ་བ་ལགས། ༧ བཀའ་འབུམ་རབ་རྒྱས་ཁང་། ༡ ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་ཟུར་ཞིག ༢ ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་ཟུར་ཞིག ༣ ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་ཟུར་ཞིག ༤ ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་ཟུར་ཞིག ༥ ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་ཟུར་ཞིག ༦ ལོ་འཁོར་གཞུང་ལུགས་ཡིག་རྒྱུགས་ཆེན་མོའི་སྐབས་སུ་པར་རིས་ཟུར་ཞིག འདི་སྐད་ཀྱི་གནས་འཕྲིན་ནི་ཁྱུང་པོའི་དྲ་བའི་རྩོམ་སྒྲིག་ཁང་ནས་སྤེལ། ༢༠༡༥/ ༡༠ /༡༠ |