|
བལ་པོའི་ཡུལ་གྱི་ཐ་གྲུ་རུ།།
ཡ་མེད་གནམ་རྡོ་ས་རུ་ལྷུང་།།
སྟེང་འོག་བརྗེས་པའི་འགྱུར་ལྡོག་དེ།།
མིག་ཆུ་གཞུར་བའི་རྐྱེན་ངན་ཞིག། ས་ཡོན་གསེར་སྐྱེམས་མ་བཞེས་པའི།།
ས་བདག་འཁྲོས་པའི་གཡུལ་ངོ་བཅས།།
ཀླུ་སྲིན་བསྡེབས་པའི་ས་འཁྲུཊ་དེ།།
ཡིད་སེམས་སྐྱོ་བའི་གྱོང་གུད་ཅིག། རེ་བཅོལ་ལྷ་ལ་ཞུས་མ་ཞུས།།
སྡོངས་ཀྱི་གྲོཊ་སུ་བྱོན་མ་བྱོན།།
ཆ་མ་ཆོད་པའི་གོད་ཆག་དེ།།
ཧུ་ཤུ་ཤོར་སའི་ནག་ཉེས་ཤིག། ཉམ་ཆུང་མི་བུས་ཉི་མར་འདེས།།
ཉེས་མེད་དལ་བུར་སྡོད་དུས་ལ།།
མངོན་མེད་ས་ཡོམ་ཤན་པ་དེ།།
ཚེ་སྲོག་འཕྲོག་པའི་ཇག་པ་ཞིག། སྐྱོ་རལ་གསོན་འདྲེ་དངོས་རྒྱུག་བྱས།།
ས་ཆེན་ཡོམ་ཡོམ་གཡོ་ཞིང་འདར།།
ལྷིང་འཇཊ་ཁྲོམ་གྱི་གཤེད་མ་དེ།།
རྣམ་ཤེས་བརླགས་པའི་ཕུང་འདྲེ་ཞིག། ཡིད་འཁྱུད་སྦྲེལ་བའི་བག་ཆཊ་ཀྱི།།
མངར་མོའི་བུ་རམ་རོལ་མ་ཁོམ།།
ལག་རྡང་གཤིག་པའི་མཚོན་ཆ་དེ།།
བདེ་ཐག་གཅོད་པའི་རལ་གྲི་ཞིག།། གནའ་ཤུལ་མཁར་རྫོང་མཐོན་པོ་འགའ།།
ཕ་ཤུལ་བུ་འཛིན་མ་དབང་ལ།།
རྗེས་ཤུལ་དྭ་ཕྲུག་ལུས་པ་དེ།།
སྡུག་གིས་གདུང་བའི་སྐྱོ་འབོད་ཞིག། བྱད་མའི་བསེ་རག་ཐལ་ནས་ལངས།།
མ་རུང་ངུ་འབོད་ཁྲོམ་དུ་སློག།
གད་པའི་གསེབ་ཀྱི་ཨོ་རལ་དེ།།
ཕྱི་མིག་ཆཊ་པའི་སྡུག་འབོད་ཅིག། རྭ་ལག་གསེར་གྱི་འབུ་ལོ་དང་།།
ཡིད་ཆཊ་སྒྲོ་ལོའི་པོད་ཁ་སོཊ།།
ས་ཡོམ་ལག་ཏུ་ཤོར་བ་དེ།།
ཚོད་དུ་མེད་པའི་གཏོར་བརླག་ཅིག། མཐོང་ཡངས་བལ་བོད་ས་མཚམས་སུ།།
དྲན་འདོད་མེད་པའི་ས་ཡོམ་དེས།།
གློ་བུར་བཙན་དུར་སྦས་པ་དེ།།
མི་རིཊ་དུ་མའི་ཕམ་ཁ་ཞིག། ལས་དབང་མ་མཐུན་གོམ་ཁའི་ཁྲོད།།
ལབ་གླེང་མ་གཅིག་མདུན་ལམ་བཅོམ།།
ཚེ་སྲོག་ས་འོག་བཏབ་པ་དེ།།
སྙིང་རྗེ་མེད་པའི་དན་རྟགས་ཤིག། ཞི་བའི་ལྷོད་ཀྱིས་ནེམ་མ་མྱོང་།།
ཞེ་སྡང་དྲག་པོའི་གདུག་རྩུབ་ཀྱིས།
བཙན་གྱིས་བརྡུང་གཏུབ་བྱས་པ་དེ།།
དུད་འགྲོའི་སྤུ་ཡི་ས་དྲེད་ཅིག། ད་བཞུཊ་ལྷ་ཡིས་སྐྱོབ་པར་ཤོག།
འདས་སོང་བདེ་ས་ཟིན་པར་ཤོག།
བར་དོའི་དངང་སྐྲག་མེད་པར་ཤོག།
དལ་འབྱོར་རྟེན་བཟང་རྙེད་པར་ཤོག།
ཨཱོྃ་མ་ཏྲི་མུ་ཡེ་ས་ལེ་འདུ། ཨཱོྃ་མ་ཏྲི་མུ་ཡེ་ས་ལེ་འདུ། ཨཱོྃ་མ་ཏྲི་མུ་ཡེ་ས་ལེ་འདུ། སྤྱི་ལོ་༢༠༡༥/༤/༢༥/ཉིན་ས་ཡོམ་གྱི་གོད་ཆག་ཤོར་ཉིན་ཉི་ནག་སྤྲིན་ནག་གསེབ་ནས་ཁྱུང་བསོད་བློ་ནས་བྲིས་སོ།།
| 
