༡༽ད་ནངས་ཁ་བ་དཀར་པོ།
ད་ནངས་དཔྱིད་ཀྱི་རྒྱལ་མོ་ཞོགས་གཉིད་ལས་ལྡང་ནས་།། ལྷད་མེད་སེམས་པ་དཀར་པོ་མཁའ་དབྱིངས་ནས་བསུས་ལ།། ལ་ལུང་ཤ་ཤོ་འབུར་མེད་གངས་དཀར་གྱིས་སྤུད་ནས།། མདའ་གྲི་མདུང་སོའི་དབལ་རི་དཀར་ཡུག་ཏུ་བདལ་སོང་།། ཐང་ཆེན་ཤྭ་རྣ་རྒོད་རྐྱང་རྩེད་འཇོ་ལ་རོལ་བཞིན།། རྫ་ཆེན་ལྷ་བྱ་གོང་མོས་ལྡིང་སྐོར་རེ་རྒྱབ་གྲགས། ནཊ་ཆེན་སྟོང་གི་གཡུ་ཤུག་མགོ་ཅོག་དེ་ལྡེམ་ལྡེམ།། ང་དང་གྲོཊ་ཀྱི་སེམས་པ་གངས་རི་ལས་དཀར་སོང་།།
ད་ནངས་དཔོན་གསས་བླ་མས་ལྷག་བསམ་དེ་དཀར་དཀར།། དེ་རིང་ལྗོན་ཤིང་ཡན་ཆོད་གུས་གུས་དང་ཞུམ་ཞུམ།། ངུར་སྨྲིག་དམར་གྱི་ཁྱུ་ཚོཊ་ཡོ་ལངས་ཀྱི་འདུ་འཛོམས།། ཁ་བའི་འདབ་མ་ཁྱོད་དང་ཉི་ལི་ལི་མཛེས་སོང་།། དྭངས་གཙང་ཁྲུས་ཀྱི་ཁ་བ་འཐུག་འཐུག་ཏུ་ཆཊ་པས།། མི་མཐུན་གདོན་གྱི་ནད་རྙིང་ཀླུ་ཡུལ་དུ་སྦས་ཟིན།། སླད་མེད་སྣོད་བཅུད་གསར་པ་མི་ཡུལ་དུ་བསུས་ནས།། དཀར་པོའི་རྒྱ་ཁྱོན་ཆེ་བའི་ཁོར་ཡུག་ཅིག་བསྐྲུན་འདུག།
འཛུམ་དཀར་དཔྱིད་ཀྱི་རྒྱལ་མོ་ཞི་ཚུཊ་དེ་གཏོད་མཁས།། མདངས་དཀར་ཁ་བའི་འདབ་མ་ལྡེམ་ལྡེམ་དུ་འཁྱུག་མཁས།། མཁས་བཙུན་བཟང་གསུམ་འཛོམས་པའི་དུས་བཟང་གི་ཉི་མ།། གངས་ཀྱི་ཁྲོད་ནས་བཞད་རིམ་ཇེ་གསལ་དང་ཇེ་མཛེས།། རྒྱ་ཞིང་འབྲུ་དྲུག་སྙེ་མའི་ས་བོན་དེ་འཛུགས་རན།། བསིལ་དྲོད་ཆ་སྙོམས་སྐྱོང་བའི་ལུས་ཟུངས་ཀྱི་མ་མ།། དགའ་བདེའི་དྲོད་སྐྱིད་ལྷ་མོ་དེ་རིང་ནས་འཛོམས་ཏེ།། གངས་ལྷ་མེ་ཏོག་ཆར་བསྡེབས་མཁའ་དབྱིངས་ནས་ཕེབས་འདུག། ཁུ་བྱུག་མོན་གྱི་ཡུལ་ནས་མི་ཡུལ་དུ་ཆས་པའི།། གྲ་སྒྲིག་སྟ་བོན་འཛོམས་པའི་སྐད་སྙན་གྱི་ཟླ་བ།། གནས་འགྲོ་ལོ་གསར་བུ་མོས་ཁར་སྔོན་ནས་བསུས་འདུག། སྙན་སྙན་ངག་གི་དབྱངས་ལོ་ཀྲོང་ཀྲོང་དུ་སྒུག་རན།། ད་ནངས་ཁ་བ་དཀར་པོ་བརྩེ་བ་ཡི་ཨ་ལོང་།། དེ་རིང་ཀུན་གྱི་སེམས་ཁམས་དུང་བ་ཡི་ལྕཊ་ཀྱུ།། ཡིད་མཐུན་དགོད་སྒྲའི་བརྩེ་དུང་ཨ་ལོང་དུ་སྦྲེལ་ནས།། ཁ་བ་ཁྱོད་དང་ངེད་ཚོ་འཛུམ་སྟོན་ལ་ཆས་ཡ།།
ཁ་བ་བབས་པས་མི་སྐྱོན་ཁ་ཞུན་གྱི་ཉི་མ།། ཁ་བ་གངས་ཀྱི་བུ་ཡིས་ཤར་ཕྱོགས་ནས་འདེ་ཆོག། ཁ་བའི་མེ་ཏོག་འདབ་མ་ཕྱུ་རུ་རུ་འཕྱུར་རོགས།། ཁ་བའི་སྐྱིད་གླུ་ལེན་བཞིན་ཁ་ཤགས་ལ་རོལ་ཆོག། ༢༠༡༥-༣-༤-བར་གསེང་ཞིག་ཏུ་ཁྱུང་བསོད་བློ་ནས་བྲིས།། ༢༽ རྙོག་འཛིང་གི་དབྱར་རྩྭ། མི་ཁོམ་བྲེལ་འཚུབས་ལངས་ནས་གོར་རོ་རོ་འཁོར་ཏེ།། ཀུན་དགའ་ས་འོག་འབུ་ཡིས་རྫ་གསེང་ནས་འོག་ལྟས།། འདོད་དགའ་ཆཊ་ཅན་རྒད་པོས་ཉལ་གསེབ་ནས་སྐེ་བསྒྱེ།། རེས་མོས་ལྡང་བའི་ནམ་ཟླ་དཔྱིས་དུས་ལ་སླེབས་འདུག། སྣུམ་ཅན་གསུང་རྟེན་ཡོད་ཚད་རས་ཐུམ་དུ་བསྒྲིལ་ནས།། བྱིན་ཅན་གནའ་རྫས་སློག་ནས་ཤོག་ཐུམ་དེ་རྒྱབ་རན།། གོམ་ཅན་ལྕགས་ཀྱི་ཆིབས་རྟ་སྒོ་ཁ་རུ་བཏག་ནས།། གཅེས་མིང་སྡོམ་འབུ་འདོཊ་ནས་ལྕེ་ནར་ནར་བྱེད་རན།། བཙན་རྒོད་རྒྱབ་རི་ཡུལ་ལྷ་རྟཊ་མ་རུ་བསྐྱལ་ནས།། ཅལ་འདྲོཊ་བུ་ཡིས་སྐྲ་ལོ་ཕོར་ཐུག་ཏུ་སྦང་རན།། སང་ལོའི་ས་འོག་འབུ་ལ་ཟ་འགུལ་ཞིག་ཆེ་སྟེ།། ཟ་ཁ་གླལ་དུ་གདངས་བཞིན་མཐོ་འགྱིང་ཙམ་བྱས་ཚར།། རླབས་ཆེན་ཕྱུག་པོའི་ལག་ཏུ་ཁེ་སྐྱེད་ཀྱི་མགོ་ཚུག། འབྱོར་མེད་སྐྱ་མགོའི་རྐང་གཉིས་སྐྱིན་འདམ་དུ་ཟུག་ཚར།། ཆ་མེད་ས་མཐའི་འཁྱམས་པོ་རི་བྱོལ་དུ་ཆས་ནས།། བདག་མེད་རྫ་རྩེའི་དབྱར་རྩྭ་ཕོ་སུ་རྒོད་བྱེད་རན།། ནམ་ཟླ་དཔྱིད་ཀྱི་རྒྱལ་མོས་ཞི་ཚུཊ་དེ་བཏོན་དུས།། རྐང་གཉིས་མི་བུ་མཐོ་དམན་ཀུན་པོ་ཡི་སེམས་དཀྱིལ།། མི་བདེན་སྒྱུ་མའི་ཟློས་གར་འཁྲབ་སྟངས་ལ་བྱང་ཆུབ།། བསླུ་བྲིད་སྒྱུ་མ་མཁན་གྱིས་ཆས་ལུཊ་དེ་བསྒྱུར་རན།། མི་འདོད་ཕྱིར་འཕུད་གཏོང་བའི་ཇུས་གཞི་དེ་གཏིང་ཐབས།། ཁྲེལ་མེད་གཡོ་སྒྱུ་ཅན་འགས་འབུ་རོ་ལ་ཁ་གཡར།། ལ་ལས་དྲིན་ཆེན་རྒན་ཁོག་རྒན་གསོ་ཁང་བཀར་བའི།། གནས་ཚུལ་ནག་ཉེས་མ་རུང་སྡིག་ཕྱོགས་སུ་སྤུངས་རན།། ལ་ལུང་དགུ་བགྲོད་ས་འོག་འབུ་རོ་ལ་རུབ་དུས།། གཟུཊ་བཞི་འཁོབ་པའི་ཕ་མ་དྲོ་ལྟོ་ཡིས་མ་འགྲངས།། གནས་གཞི་ངེས་མེད་སྲང་སྒོར་ཁྱི་འཁྱམས་འདྲ་གཡུག་དུས།། མི་བཞི་བཟའ་དཔོན་ཁྱོད་ལ་ངོ་ཚ་ཞིག་ཨེ་ཡོད།། དཀའ་བ་སྟོང་གིས་བསཊ་པའི་གསེར་མདོག་གི་རྭ་ཅོ།། བསྐལ་བ་བརྒྱ་ལ་ཉར་ཡང་ཧ་ལམ་གདེངས་འཇོག་སའི།། བཟའ་ཉོབ་ཨུ་ཚུགས་སྦར་མོའི་ཁུ་ཁྲག་གི་རྣག་ཆུ།། བཟའ་དཔོན་ཀླད་མེད་ཁྱོད་ཀྱིས་བོར་བརླཊ་དེ་ཨེ་དྲན།། དངུལ་ལོའི་དབྱར་རྩྭ་རྙེད་དུས་ཕ་མ་དེ་མ་མཁོ།། སྒྲོ་ལོས་ཁ་སྒོ་སྣུམ་དུས་བྱམས་སྐྱོང་དེ་མ་དྲན།། སྡོང་ལོའི་ཁྱོད་ཀྱི་གཟུཊ་ལ་འཁོབ་རྒྱུ་ཞིག་མ་བསམ།། ཕ་བརྡུང་མ་བརྡེག་ཅན་གྱི་བུ་ངན་འགའ་ཐོན་རན།། ཁ་སྣ་ཆང་རག་དུ་བས་ཁ་འཕྱུར་དུ་བཀབ་བཞིན།། ཉིན་གྱི་གང་པོར་དགའ་རོཊ་རྒད་མོའི་རྗེས་རྒྱུག་ལ།། མཚན་གྱི་གང་པོར་ཚེ་རོཊ་བརྒྱ་དབྱུག་ཏུ་ཤན་པའི།། ཐབས་སྡུག་བསོད་ཟད་འགའ་ཞིག་རོ་ལང་དུ་རྒྱབ་རན།། རྟེན་གཞིས་ཁྱིམ་གྱི་བཟའ་ཚང་ཨོ་རལ་ཟིང་འུར་རུ།། སྡོད་གཞིས་འཚོ་བའི་ཁ་ཕོར་ཆེམ་ཀིང་ཁྲིང་ཐལ་ལེར།། བཟའ་དཔོན་དབྱར་རྩྭས་སྦོས་པའི་དགུ་སྨག་གི་ནང་དུ།། ས་རྒོད་དྲེད་པོ་འཛུལ་འདྲའི་རག་བཟི་དེ་ཨེ་དྲན།། ཉེར་གཅིག་སྒྲོ་ལོའི་དུས་འདི་ཨ་མཚར་དང་ཡང་མཚར།། སེར་པོ་གསེར་གྱི་ར་ལག་ཇེ་ཉུང་དང་ཇེ་ཉུང་།། སྐྱིད་པོ་དགའ་བའི་ཟ་ཉལ་ཇེ་འདོད་དང་ཇེ་ཆེ།། ནམ་ཞིག་དབྱར་རྩྭ་མེད་ན་འཚོ་རྟེན་དེ་ཅིས་སྤྱོད།། གློག་དམར་ཆེམ་ཆེམ་འཁྱུག་པའི་སྒོ་དམར་ཞིག་ཡོད་རབས།། སྲོག་དམར་གཅོད་པའི་རལ་གྲི་ཨེ་ཛི་ལ་མ་འཛེམས།། གཅེས་དམར་བཟའ་ཉོབ་སྒྲོ་ལོ་དམར་ཉིལ་ལེར་འཁྱུག་པ།། ལུས་ངན་བཟའ་དཔོན་ཁྱོད་ལ་ཕྱིར་དྲན་ཞིག་ཨེ་ཡོད།། ༢༠༡༥-༣-༤-དགོང་མོར-ཁྱུང་བསོད་བློ་-ནས་བྲིས་སོ།། ༣༽ གྲྭ་རྐྱང་གི་ཁེར་གཏམ། རྡུལ་འཇུངས་གེཊ་སེར་སྣས་མ་བསླད་ལ། སྡུག་འཁོར་བའི་རུ་མ་མ་ཆཊ་པའི།། སྐྱིད་ཁེར་ཤག་ནང་གི་ཇ་ཐང་འདི།། ང་གྲྭ་རྐྱང་སྤྲོ་བའི་སྤྲོ་རོགས་ཡིན།། སེམས་དད་པས་མཆོད་པར་དམིཊ་མ་ནུས།། ཁྲེལ་ངོ་ཚ་བསྲུང་བའི་ཡོན་བདག་གིས།། ཡིད་ཤོར་སའི་མར་དཀར་བསྲུབས་ཇ་ལས།། ཞེན་ཆཊ་མེད་ཇ་ཐང་བཏུང་ན་སྤྲོ།། ཁྱེད་རིན་པོ་ཆེ་ཚོས་འདི་བཞེས་དང་།། བརྗིད་ཆཊ་པའི་སྐུ་གཟུཊ་སྙུང་ས་མེད།། སྙན་ཚངས་པའི་གསུང་དབྱངས་འགག་ས་མེད།། ཡིད་མཉམ་ཉིད་ཐུགས་དེ་འཁྲུལ་ས་མེད།། སེམས་ཆཊ་པ་མེད་ན་འཁོར་བ་མེད།། དེར་ཆཊ་པའི་དབང་གིས་ལྟུང་བ་མེད།། སྡུག་འཁོར་བའི་སྐས་སུ་མ་འཛེགས་ན།། གདན་ན་རག་འདམ་དུ་ལྷུང་དོན་མེད།། ཡིད་སྤྲོ་བའི་ཇ་ལྗང་སེར་པོ་འདི།། ཕོ་བསོད་ཟད་ཅན་ལ་བཏུང་སྐལ་མེད།། བཏུང་དགོས་ན་ཁེར་རྐྱང་བློ་བདེ་གྱིས།། བློ་རྣལ་དུ་དབབ་ནས་དབེན་སར་སྡོད།། བདག་རང་མགོ་ཐོན་ན་ཆོག་པའི་བུས།། ད་ཉོམ་གཏམ་བཤད་ཚོད་དེ་ཙམ་ཡིན།། དེ་འདྲ་བའི་གཏམ་ལ་རྫོགས་སུ་མེད།། བཤད་མང་ན་ཁྱེད་ཚོ་སུན་ཉེན་ཆེ།། ༢༠༡༥-༡-༡༩--ཉིན་ཞོཊ་ཇ་ཕོར་གང་ཚེ་ལ་ཁྱུང་བསོད་བློ་ནས་བྲིས།
|