དཔལ་གཤེན་བསྟན་སྨན་རིའི་གླིང་གི་ལོ་འཁོར་རྒྱུགས་སྤྲོད་ཆེན་མོ་ལེགས་གྲུབ་བྱུང་བ། |
[རྩོམ་ཁུངས།:ཁྱུང་པོའི་དྲ་བ།] [ཟླ་ཚེས།:2015-01-10] [རྩོམ་པ་པོ།:གཙོ་སྒྲུབ་པས།] [ཀློག་གྲངས།:] |
༧ བོན་གྱི་གདན་ས་༧ཆེན་མོ་དཔལ་གཤེན་བསྟན་སྨན་རིའི་གླིང་གི་བཤད་སྒྲུབ་འདུས་སྡེའི་ལོ་འཁོར་རྒྱུགས་སྤྲོད་ཆེན་མོ་ལེགས་གྲུབ་བྱུང་བ།
༧ དཔལ་གཤེན་བསྟན་སྨན་རིའི་གླིང་། ༧ སྐྱབས་རྗེ་ཁྲི་འཛིན་སོ་གསུམ་པ་ལུང་རྟོགས་བསྟན་པའི་ཉི་མ་རིན་པོ་ཆེ་མཆོག དེ་ཡང་ཕྱི་ལོ་༢༠༡༥་ལོའི་ཟླ་༡་དང་པོའི་ཚེས་༡༧་བཅུ་བདུན་དང་༡༨་བཅོ་བརྒྱད་གཉིས་ཀྱི་རིང་དུ་འདི་གར་༧དཔལ་གཤེན་བསྟན་སྨན་རིའི་གླིང་གི་གཡུང་དྲུང་བོན་གྱི་བཤད་སྒྲུབ་འདུས་སྡེའི་ལོ་འཁོར་རྒྱུགས་སྤྲོད་ཆེན་མོ་འཆར་ཅན་ལྟར་གོང་ཚེས་༡༧་བཅུ་བདུན་ཉིན་གྱི་ཞོགས་པའི་འཁོར་དུས་བརྒྱད་པའི་ཐོག་ཏུ།
༧ སྐྱབས་རྗེ་སྨན་རིའི་དཔོན་སློབ་རིན་པོ་ཆེ་མཆོག་གི་གཙོ་འགན་འོག་བཤད་སྒྲུབ་མཁན་སློབ་རྣམ་གཉིས་གཙོས་པའི་དགེ་བཤེས་རྣམས་ཀྱིས་སྟངས་འཛིན་གནང་སྟེ་འདི་གའི་གཙུག་ལག་ཁང་གི་མདུན་ངོས་ཡངས་ཤིང་རྒྱ་ཆེ་བའི་འཆམ་ར་དགའ་ཚལ་གླིང་གི་ཐང་ཆེན་དུ་ལོ་འཁོར་ཡིག་རྒྱུགས་ཆེན་མོ་དབུ་འཛུགས་ཞུས་ཏེ་གོང་ཚེས་
༡༧ བཅུ་བདུན་ཉིན་སློབ་གཉེར་བ་འཛིན་གྲྭ་སོ་སོའི་སྐབས་བབས་ཀྱི་རྩ་གཞུང་ཁག་ངག་རྒྱུགས་བཏང་ཡོད་པ་དང་།
དཔལ་གཤེན་བསྟན་སྨན་རི་དགོན།
ཕྱི་ཚེས་༡༨་བཅོ་བརྒྱད་ཉིན་ཞོགས་པ་འཁོར་དུས་༨་བརྒྱད་པའི་ཐོག་ཏུ་སྔར་བཞིན་འཛིན་གྲྭ་སོ་སོའི་སྐབས་བབས་ཀྱི་གཞུང་ཆེན་ཁག་གི་གལ་གནད་ཐོག་ཏུ་འབྲི་རྒྱུགས་བླངས་ཏེ་
ཕྱག་ཚོད་༡༢་བཅུ་གཉིས་ཐོག་ཏུ་ལོ་འཁོར་ཡིག་རྒྱུགས་ཆེན་མོ་ཡོངས་སུ་ལེགས་པར་རྒྱལ་ཁའི་ངང་དུ་མཇུག་གྲུབ་ཡོད་པ་བཅས་ཀྱི་གནས་བསྡུས་ཙམ་མོ།། ཨ་ཀྲོང་རིན་ཆེན་རྒྱལ་མཚན་གྱིས་གནས་བསྡུས་ཙམ་དུ་བྲིས། |