དཔྱད་རྩོམ། གཙོ་ངོས།གཙོ་ངོས།རྩོམ་རིགདཔྱད་རྩོམ།
དབྱར་རྩྭ་དང་མི་མང་།
[རྩོམ་ཁུངས།:]   [ཟླ་ཚེས།:2014-05-05]  [རྩོམ་པ་པོ།:ལྡོང་སྐལ་བཟང་།]  [ཀློག་གྲངས།:]

འཁྱམ་པོ་འཁྱམ་མོ་ཕ་ཡུལ་ཕྱོགས་ལ་ལོག།

གྲོང་ཁྱེར་འབྲོག་པས་སྐྱེ་སའི་རི་གྲོང་དྲན།།

ཆེ་འབྲིང་སློབ་མས་དགོངས་ཞུའི་གོམ་གྲལ་བསྒྲིགས།།

དབྱར་རྩྭ་བརྐོ་བའི་སྟ་གོན་དང་པོ་ཡིན།།


བླ་མ་མཚམས་པས་བྱིན་རླབས་ཤོག་ཆག་རྒྱག།

རྫོང་ཡུལ་དཔོན་པོས་པ་སེའི་རིན་གོང་བསྣར།།

ཁེར་རྐྱང་ཕོ་ཧྲེང་ཟླ་གཉིས་མནའ་མ་བཞག།

དབྱར་རྩྭ་བརྐོ་བའི་སྟ་གོན་གཉིས་པ་ཡིན།།


བཟའ་དཔོན་རྒས་པོས་སྒོར་མོ་སུམ་སྐྱེད་བླངས།།

ཕོར་ཐུག་བག་ལེབ་བཟའ་ཉོབ་གྲོ་རུ་ཉོས།།

བྱེ་རིལ་ལ་སོགས་དོམ་ལ་བླངས་པ་མང་།།

དབྱར་རྩྭ་བརྐོ་བའི་སྟ་གོན་གསུམ་པ་ཡིན།།


ཡུལ་འབྲོག་བར་ལ་ཁ་སྣ་འཁྲུག་རྩོད་ལངས།།

གཉེན་ཉེའི་བར་ལ་སྐད་ཆའི་འབྲེལ་བ་ཆད།།

གྲོགས་པོའི་བར་ལ་ཕར་འགྲོ་ཚུར་འདུག་བཅད།།

དབྱར་རྩྭ་བརྐོ་བའི་སྟ་གོན་བཞི་པ་ཡིན།།


ས་ཚུགས་དག་ལ་ཞིབ་བཤེར་མི་སྣ་བཙུགས།།

ལམ་ཀྱོག་དག་ནས་གླ་པའི་ལྐོགས་ལམ་བཙུགས།།

ཚང་མའི་རྣམ་ཤེས་སྟོན་ཁའི་རླུང་བཞིན་འཚུབས།།

དབྱར་རྩྭ་བརྐོ་བའི་སྟ་གོན་ལྔ་པ་ཡིན།།


ལོ་ལོན་རྒས་འཁོག་ཁེར་རྐྱང་ཁང་ཁུག་ལུས།།

ཟླ་བརྒྱད་སྦྲུམ་མས་ལྟོ་བ་ལྡིར་བཞིན་བསྐྱོད།།

མནའ་མ་འགའ་ཞིག་ཕྲུ་གུ་ཁུར་ནས་རྒྱུག།

དབྱར་རྩྭ་བརྐོ་བའི་སྟ་གོན་དྲུག་པ་ཡིན།།


གྲྭ་པས་གཟན་ཤམ་དྲུད་ནས་གྲོང་ལ་འགྲོ།།

སྔགས་པས་རྔ་ལྕག་གཡུགས་ནས་འཇོར་ལ་འཐམ།།

མཚམས་པས་སྒོ་དབྱེ་བྱས་ནས་རི་ལ་དོན།།

དབྱར་རྩྭ་བརྐོ་བའི་སྟ་གོན་བདུན་པ་ཡིན།།


ཕ་རྒན་རྐང་པ་ཞ་ཡང་གཡོག་ཁོམ་མེད།།

མ་རྒན་མིག་ཡ་ལོང་ཡང་བཅོས་ཁོམ་མེད།།

ཡོད་ཚད་བྲེལ་ཟིང་ཁྲོད་ནས་རི་ལ་འགྲོ།།

དབྱར་རྩྭ་བརྐོ་བའི་སྟ་གོན་བརྒྱད་པ་ཡིན།།


འབྲོག་པས་དཔྱིད་ཀའི་ཟོག་ངན་གཉོར་ཁོམ་མེད།།

ཡུལ་པས་ཞིང་ཁའི་ས་བོན་འདེབ་ཁོམ་མེད།།

རི་འགོའི་ཁ་བ་སྲབ་མཐུག་ལྟ་བཞིན་བྲེལ།།

དབྱར་རྩྭ་བརྐོ་བའི་སྟ་གོན་དགུ་པ་ཡིན།།


རྒན་གཞོན་མེད་པར་ལག་ན་ལྕགས་འཇོར་ཐོག།

ཕྱུག་དབུལ་མེད་པར་རྫོང་ནས་པ་སེ་ཉོས།།

དལ་ལྷོད་མེད་པར་ལུས་སེམས་རི་ལ་འཁོར།།

དབྱར་རྩྭ་བརྐོ་བའི་སྟ་གོན་བཅུ་པ་ཡིན།།

ལྡོང་སྐལ་བཟང་། ༢༠༡༤/༥/༤


དཔྱད་མཆན།བསྡོམས་པས་དཔྱད་མཆན་ 6 ཡོད།
སྤེལ་མཁན། ཁྱུང་སྐྱེས་བཟང་ནས།  IP:སྤེལ་དུས། :2014-05-06 17:53:50
གྲོགས་པོ་ལྡོང་སྐལ་བཟང་གི་རྩོམ་ཡིག་ལ་རིན་ཐང་ཆེན་པོ་འདུགདགའ་བསུ་ཡོད།
སྤེལ་མཁན། ཁྱུང་སྐྱེས་བཟང་ནས།  IP:སྤེལ་དུས། :2014-05-06 17:53:52
གྲོགས་པོ་ལྡོང་སྐལ་བཟང་གི་རྩོམ་ཡིག་ལ་རིན་ཐང་ཆེན་པོ་འདུགདགའ་བསུ་ཡོད།
སྤེལ་མཁན། སྦ་དུག་མདའ་ནག་པོས།  IP:སྤེལ་དུས། :2014-05-19 13:35:34
གནད་ལ་ཁེལ་བའི་གཏམ་ཞིག་འདུག་དགའ་བསུ་ཡོད།
སྤེལ་མཁན། སོག་ཤོད་རྩམ་ཕྲུག་ཚེ་དོན།  IP:སྤེལ་དུས། :2014-08-25 16:25:21
སྙན་མོ་བྲིས་འདུག
སྤེལ་མཁན། Bradley  IP:སྤེལ་དུས། :2015-10-23 12:05:01
WLIvDmhttp://www.FyLitCl7Pf7kjQdDUOLQOuaxTXbj5iNG.com
སྤེལ་མཁན། Mark  IP:སྤེལ་དུས། :2016-05-12 20:59:15
AushmAhttp://www.y7YwKx7Pm6OnyJvolbcwrWdoEnRF29pb.com
དཔྱད་གཏམ་སྤེལ་མཁན་ལ་གསལ་བརྡ། རང་གི་དངོས་མིང་གི་ལམ་ནས། ངེད་དྲ་ཚིགས་ཀྱི་འཕྲིན་ལས་ཡུན་རིང་དུ་རྒྱས་ཕྱིར་ཁྲིམས་འགལ་གཤེ་བསྐུར་དང་། བསྟན་པར་འཚེ་བའི་ལུགས་དགག་བྱ་རུ་དགོངས་ཏེ་དཔྱད་གཏམ་སྤེལ་ན་ཤིན་ཏུ་ལེགས་པས། ཚང་མས་ཕན་ཚུན་གུས་བཀུར་དང་བརྩི་འཇོག་གི་ལམ་བུར་ཞུགས་ཏེ་བསྟན་པ་སྤྱི་ལ་ཕན་པའི་མཆན་འདེབས་རོགས་གནང་བར་ཞུ་ཞུ།།
སྤེལ་མཁན།